سالفة حزن نوره
المرايا
صدق يطعن ..
في نوايانا الدفينة
طعن صادق ..
يفضح الزيف وسنينة
المرايا والله العالم .. هي أصدق شي ..
في عالم كذوب
في زمن مظلم وظالم .. ماتلاقي ضي ..
ينبض بقلب الدروب
المرايا ..
عشق ساكن داخل قلوب الكثير من الصبايا
إلا نورة ..
بنت غاية في الجمال ..
حسنها ياخذك من يمناك ..
لحدود الخيال
يوم نادت أمّها وبصوت عالي :
( يمّة .. يمّة بسرعة تعالي ) ..
لمّا جتها أمّها ..
قالت : علامك ؟
نورة قالت :
يمّة أرجوك بقيامك ..
إبعدي هذي المراية..
ابعديها ..
وإلا أقلّك ..
يمّة تكفين اكسريها ..
ما أبيها .. ما أبيها ..
ولو سألتوا ..
ليه هي قالت كذا .. وإيش العلاقة ؟
قلت شوفوا ..
ماقدر أخبّي لذا .. نورة (معاقة) !
*******
شلل نصفي ..
سرق منها طفولتها ..
سرق حتى ابتسامتها ..
تشرّب جسمها الطاهر على غفلة
ولا قدّر برائتها وهي طفلة
حواليها كثير أطفال ..
بنات العم .. والجيران ..
عيال الخال ..
تراقبهم .. تتابعهم
تشوف (أحمد) وهو يسحب شعر (سلمى)
و(علي) يلحق (مها) وبيده مسدس ما
و(خالد) قاعد يحاور (حسام) ..
بعلبة البيبسي
ويكسر ظهر هالمشهد ..
حزن (نورة) وهي تبكي على الكرسي
تحاول قد ماتقدر ..
لجل تخفي مدامعها
وثار الدمع واتحدر ..
وبدت رعشة باصابعها
تزم إيدينها لكن ..
يديها ماتطاوعها
****
وتكبر نورة ويكبر ..
معاها الهم
ويجري حزنها الأقشر ..
بمجرى الدم
وياصل عمرها العشرين ..
وفي هالعشرين ..
تغيّر كل شي فيها ..
ملامحها .. - مع إن الحزن ماسحها -
أمانيها .. - ولو ماعاد تعنيها –
سوالفها .. – بعد مالهم والفها -
في هالعشرين ..
على نفس الألم تصبح ..
وعلى نفس القهر تمسي ..
على الكرسي .. !!
في هالعشرين ..
أبد ماتابعت موضة ..
ولاتعرف (جيفينشي) .. أو (كريستيان ديور)
أو (فيرساتشي) وعروضة
ولا مكياج وإكسسوار ..
وحتى عطور ..
تضج .. تثور
إذا قالوا لها ..
(نورة .. شرينا لك عطر ..
شوفي بعد فستان ..
يانورة إلبسيه ألحين ..
ترا بيطلع عليك جنان ..
بسرعة بس لاتبطين)
تجاوبهم :
(بسرعة ! ..
بسرعة ليه ؟
وإلا لمين ؟
وهو من كثرة العرسان ! )
تقاطعها أمها :
(نورة ..
وش تقولين !! )
ترد نورة :
(( يبه .. يمّه ..
كفاية وإسمعوني زين ..
أنا عمري ترا عشرين
ترا ما عادني طفلة ..
ياناس المسألة سهلة ..
مثل ما (1) و(1) يساوي (2)
معاقة .. خير ! ماتفرق ..
- وفي هاللحظة ..
بدت لحية أبونورة ..
تلم الدمع من عينه ..
وبدت تغرق !-
يبه .. يمّه
أنا مليت من روحي ..
نعم مليت
تعبت أداري جروحي ..
وياما أخطيت
خطاي إني تصنّعت السعادة ..
لجل خاطركم
لجل ماتـنجرح فيكم ..
مدامعكم
يبه تدري ؟ ..
كنت أتمنى من صغري ..
وهذي أمنية عمري ..
وإلا ألحين هي منوه
تمنيت أحضنك بالليل ..
إلا من جيت من شغلك
أبوسك فوق راسك حيل ..
وأفك الجزمة عن رجلك
أروح أجيبلك قهوه ..
وأجيك أجري
وحتى إنتي يا أمّي ..
لو تدرين كم عانيت ..
كم أتمنيت ..
أخفف عنك شغل البيت
مثل ما ( نجوى) ..
تساعد مرت عمّي
يبه .. يمّه
تراني ضقت
وربي ضقت من نفسي
ياربي شقد طفشانة ..
وتبغوني بعد ألبس !!
ألبس من علشانة ؟
أبد لاتصدقون إني ..
أبتزوّج وأجيب عيال
والله عال !!!
من إللي في الزمن هذا ..
بيرضى أكون له زوجة ؟؟
ويتزوّج معي كرسي !!
يبه إنسى ..
وحتى إنتي دخيل الله يايمّه ..
بعد إنسي ))
وهذي سالفة نورة ..
ياهي بنت مقهورة ..
مضى من عمرها عشرين ..
وهي باقي على هالحال
حكايتها إنتهت ألحين ..
وخلّت داخلي ثورة ..
وأنا ما بيهدالي بال ..
إلين أعرف ..
من إللي بوقـتـنا رجّال ..
ويتزوّج مثل نورة ؟؟
**************************
وهذي سالفة فرحة نوره بقلم تركي (sferal7zn)
تهون طعنة المرايا
في ناويا نوره
لكن الطعنه
الي تجي من اقرب الناس
النظره الي تجي
من عيون الناس المشمته بنوره
في زمن صار ساحة احروب
فيه القلوب الكريها
يامرايا
ياعشق ساكن داخل قلوب الكثير من الصبايا
ليه الغرور من جمال نوره
ايه نوره
بنت غاية في الجمال ..
نوره البنت الحلوه الاموره
الي حسنها يفوق وصف الكلام
لحدود الغيره والاحتشام
يوم نادت أمّها وبصوت عالي :
لما نادت امها يامحمد وبصوت عالي
تريدها تكسر ذيك المرايا
المرايا الي تشوف فيها ضعفها
ونظرت الناس لنظرت المرايا
العلاقه انها معاقه
والناس تنظر لها نظره مشينه
اه يامحمد يالطف هالكلمه
*******
وياقربها من ربك
وصاحبها ياقربه من الجنه
الاعاقه اعاقة العقل
ماهي اعاقة الجسد والاطراف
ايه طفله بس عقلها
بس عقلها عقل امراءه
الله اخذ منها فرحة طفولتها
ومنحها جمال ومكان بجناته
لما تناظر ذاك يمشي
وذاك يلعب وذاك يكسر
وذيك تغسل وذيك تطبخ
صحيح تحزن وتبكي
لكن وربي يافي دمعها
اشوف الفرج ايه الفرج
لما اشوف في وجها النور
نور الايمان والامان
خلها لاتخفي مدامعها
خلها تقوي عزيمتها
الرعشه الي بصابعها
تدل على قوتها وحركتها
يديها ماتطاوعها الا للحلال
****
كبرة نوره مع ان همها كبر معها
لكن اناظر تزداد قوتها
والفرح بداء يجري بدمها
عمرها عشرين وتسوى بنت اربعين
وفي هالعشرين ..
صارت نوره تختلط بكل الحاضرين
صارت تسولف وتضحك
فرحت لما شفتها استقوت عزايمها
صارت تقهر عذاله بضحكة براءتها
نوره صحيح معاقه وبشلل نصفي
حرمها من شقاوة طفولتها
لكنها عرفة ان الله حماها
من زمن الموت ارحم من تعيش فيه
نوره يامحمد بنت طايعه الله
ومرضيه والديها مع انها معاقه
تعرف الحين صارت فنانه بالطبخ
وصارت استاذه بالرسم والنقش
صارت تروح وتجي على هالكرسي
نوره اتغيرت معادة نوره المعاقه
تعرف وش تقول نوره
تقول انا ماني معاقه
جهل بعض البشر هو الاعاقه
صحيح نوره خلت داخلك وداخلي ثوره
ولا راح يهدي لنا بال
لين نعرف من في زمنا رجال
بيتزوج وحده مثل نوره
ولا اي وحده
بنت غايه في الجمال
وفي طبعها الوفاء والاخلاص
وسلامتكم
ولكم مني كل احترام وتقدير
في منتديات ابطال الكرة الرسمية 
موضوع: سالفة حزن نوره 
